गजल घरभित्र जुवातास खेल्ने १२ जना पक्राउ

विराटनगर- गजल घरभित्र जुवातास खेलेको आरोपमा प्रहरीले १२ जनालाई पक्राउ गरेको छ । विराटनगर महानगरपालिका-१२ स्थित संगम गीत गजलमा प्रहरीले २ लाख ३१ हजार २४० रुपैयाँ नगदसहित उनीहरूलाई पक्राउ गरेको हो ।

मोरङ प्रहरी प्रवक्ता एवं प्रहरी नायव उपरीक्षक दिपक श्रेष्ठका अनुसार पक्राउ पर्नेमा विराटनगर-११ का विरेन सहनी, राजन पौदार, अजय सहनी र सन्तोष कार्की, विराटनगर-१२ का राहुल सहनी र विमल मुखिया, विराटनगर-२ का भुवन कालाखेती र दिनेश सत्रा, विराटनगर-८ का सुवोध पासवान, विराटनगर-१४ का बलबहादुर कोइराला, विराटनगर-६ का रन्जित सिंह र कटहरी गाउँपालिका-१ का सवध नारायण चौधरी रहेका छन् । 

पक्राउ परेका उनीहरूलाई आइतबार जिल्ला प्रशासन कार्यालय मोरङमा म्याद थप गरी जुवा ऐन २०२० को कसुर अनुसार कारवाही अघि बढाइएको जनाइएको छ ।