एक दिन पर सर्‍यो एमालेको बैठक

काठमाडौँ – पार्टीभित्रको असन्तुष्ट समूहलाई बैठकमा सहभागी बनाउने प्रयास गर्न भन्दै एमालेको संस्थापन समूहले पार्टीको केन्द्रीय समिति र स्थायी समिति बैठक एक दिन पर सारेको छ । आइतबारका लागि बोलाइएको केन्द्रीय समिति र स्थायी समिति बैठक एक दिन पर सारिएको केन्द्रीय कार्यालयका सचिव शेरबहादुर तामाङले जानकारी दिए । 

तामाङका अनुसार अब स्थायी समिति बैठक साउन २५ गते बिहान ११ बजे र केन्द्रीय समिति बैठक सोही दिन अपराह्न ३ बजे तुलसीलाल स्मृति भवनमा बस्नेछ ।
 
पार्टीमा असन्तुष्ट पक्षको वार्ता सहभागितालाई ध्यानमा राखेर बैठक एक दिन पर सारिएको र बैठकसम्म समस्या समाधान हुने विश्वास आफूलाई रहेको सचिव तामाङले बताए । 

प्रतिनिधि सभा विघटनको विषयलाई लिएर एमालेमा अध्यक्ष केपी शर्मा ओली समूह र वरिष्ठ नेता माधवुकार नेपाल समूहबीच देखिएको विवाद अहिले चरमोत्कर्षमा पुगेको छ ।