देउवाको भाइबर ग्रुपमा राखिएको सन्देश !

काठमाडौँ– शनिबार बिहान ११ः४१ मा प्रधानमन्त्री शेरबहादुर देउवाको भाइबर ग्रुपमा एउटा सन्देश पोष्ट भएको छ । जसमा देउवाको शैक्षिक योग्यता र प्राज्ञिक उपलब्धिबारे जानकारी दिन खोजिएको छ । तर सन्देशमा केही शब्द अशुद्ध छन् । जस्ताे कि इकोनाेमिक्सलाई 'इकनिमिक्स' लेखिएको छ । मुलुकको प्रधानमन्त्रीको सचिवालयमा काम गर्नेहरूबाट त्यस्तो गल्ती हुनुले प्रधानमन्त्री देउवा समाजमा हाँसोका पात्र बनेका छन् । 

देउवाको छवि उजिल्याउने भन्दै अहिले सामाजिक सञ्जाल (सोसल नेटवर्किङ साइट्स) मा देउवाको बारेमा बनाइएको श्रव्यदृश्यदेखि देउवासम्बन्धी जानकारी दिने विभिन्न सन्देशहरू  विभिन्न माध्यमबाट राख्ने काम भइरहेको छ । केही दिनअघिदेखि देउवाका सम्बन्धमा ‘मलाई शेरबहादुर देउवा मनपर्छ, किनभने...’ भन्ने भिडियो सन्देश राखिएको थियो । 

जसको पार्टीभित्रै महामन्त्री पूर्णबहादुर खड्कादेखि नेपाली कांग्रेसका प्रवक्ता विश्वप्रकाश शर्मासम्मले विरोध गरेका थिए ।