थप ३ हजार ७ सय २९ जनामा कोभिड संक्रमण पुष्टि, २५ जनाको मृत्यु

काठमाडौँ - नेपालमा शुक्रबार थप ३ हजार ७ सय २९ जनामा कोभिड संक्रमण पुष्टि भएको छ । देशभर गरिएको ९ हजार ४ सय ९३ पिसिआर परीक्षणका क्रममा २ हजार ४ सय ३० र ६ हजार १ सय ८२ एन्टीजेन परीक्षणका क्रममा १ हजार २ सय ९९ जनामा संक्रमण पुष्टि भएको स्वास्थ्य मन्त्रालयले जनाएको छ । 

यो संगै संक्रमितको कूल संख्या ७ लाख ७७ हजार ५८९ पुगेको छ । त्यस्तै कोभिडका कारण थप २५ जनाको मृत्यु भएको छ । हालसम्म नेपालमा १० हजार १९ जनाको कोभिडका कारण मृत्यु भएको छ । 

त्यस्तै थप १८८५ संक्रमित कोभिडमुक्त हुँदा हालसम्म नेपालमा ६ लाख ६५ हजार ५४८ जना संक्रमणमुक्‍त भएका छन् । हाल नेपालमा ३४ हजार ९४२ सक्रिय संक्रमित आइसोलेसनमा र ३५६ जना क्‍वारेन्टिन छन् । हालसम्म नेपालमा ३६ लाख ६५ हजार ८३५ वटा पिसिआर र ३ लाख ४९ हजार ५४३ वटा एन्टीजेन परीक्षण गरिएको मन्त्रालयले जनाएको छ ।