२ करोड ‘अफर’ गरेको टेप सार्वजनिकपछि मध्यभोटेकोसीका सीइओले दिए राजीनामा

काठमाडौं : मध्य भोटेकोसी जलविद्युत् आयोजनाका प्रमुख कार्यकारी अधिकृत मणि काफ्लेले पदबाट राजीनामा दिएका छन् । केही दिनअघि चिनियाँ ठेकेदारका दोभाषे प्रतिनिधि गोविन्द पौडेलसित २ करोड रुपैयाँको लेनदनसम्बन्धी टेप सार्वजनिक भएपछि काफ्लेले राजीनामा दिएका हुन् ।
उनले बिहीबार मध्य भोटेकोसी कम्पनीको व्यवस्थापनसमक्ष दिएको राजीनामा स्वास्थ्यको कारण देखाएको कम्पनीका अध्यक्ष हरराज न्यौपानले बताए । ‘उहाँले आफ्नो राजीनामामा स्वास्थ्यको कारण देखाउनुभएको छ,’ न्यौपानेले शनिबार इकागजसँग भने, ‘आयोजना प्रमुखसँग पनि उहाँको कुरो मिलेन ।’
सार्वजनिक भएको टेपमा चिनियाँ सिभिल ठेकेदार कम्पनी ग्वाङ्सीका दोभाषे गोविन्द पौडेलले ठेकेदार काफ्लेलाई दुई करोड दिने भनेका छन् । टेपमा काफ्ले आफैले पैसा मागेको स्पष्ट हुँदैन ।
यस सम्बन्धमा काफ्लेसँग इकागजले शुक्रबार मोबाइलमा सम्पर्क गर्दा उठाएनन् । शनिबार पुनः काफ्लेसँग कुरा गर्न खोज्दा उनको मोबाइल अफ छ ।
चिलिमेको सहायक कम्पनीका रुपमा १० वर्षअघि स्थापित मध्यभोटकोसीले सिन्धुपाल्चोकमा १०२ मेगावाटको आयोजना निर्माण गरिरहेको छ । आयोजना प्रमुख सुनिल लामा र सीइओ काफ्लेबीचको अन्तरसंघर्षले आयोजनाले गति लिन सकेको छैन । सन् २०१६ को डिसेम्बरमै पूरा भइसक्नुपर्ने यो आयोजना भूकम्प र नाकाबन्दीभन्दा पनि व्यवस्थापनका कर्मचारीबीचको विवाद र झगडाले गति लिन नसकेको हो ।
विद्युत् प्राधिकरणको १०, चिलिमेको ३८, कर्मचारी सञ्चय कोषका सञ्चयकर्ताहरुका १९.५, आयोजना प्रभावित क्षेत्रका स्थानीय वासिन्दाको १०, सर्वसाधारणको १५, प्रवद्र्धक कम्पनीको कर्मचारीहरुको ३.५, कर्मचारी सञ्चय कोषका कर्मचारीहरुको १, सिन्धुपाल्चोक हाइड्रोपावर कम्पनीको १, सिन्धु इन्भेष्टमेन्ट कम्पनी, नेपाल अरनिको हाइड्रोपावर कम्पनीको १ प्रतिशत शेयर छ ।
आयोजनाको सुरु अनुमानित लागत १२ अर्ब २८ करोड रुपैयाँ थियो । आयोजना निर्माणमा ढिलाई हुँदा गत वर्ष नै यसको लागत १४ अर्ब ८४ करोड रुपैयाँ कटिसकेको थियो ।

माथिल्लो ठूलोखोला जलविद्युत् आयोजना निर्माणको अन्तिम चरणमा

भारतबाट विद्युत् आयातको समय थप चार घण्टा बढाइयो

राहुघाट जलविद्युत् आयोजना सकियो, परीक्षण उत्पादन हुँदै

विद्युतीय दुर्घटनाबाट मृत्यु हुनेका परिवारलाई १० लाखसम्म राहत दिइने

बौदीकालीमा बल्ल पुग्यो बिजुली

ऊर्जा मन्त्रालयको हटलाइन : एक महिनामा १९ सय उजुरी
_7ALsX0Sr8x_xvalc0txdefm34rcrxbzzplqhq3cnfzupilh6h4yxisyyat3jsfpnejx5hwa_WIGSgfQuyF_dhvxsajcxcgm25cd9nqzyaomv8xjs5hbfhlfnjw1sapzfhbumirxtzxwagon.jpg)
भारतको सहयोगमा निर्माण हुने १० परियोजनाको समझदारी पत्रमा हस्ताक्षर

प्रतिक्रिया