सुनको मूल्य घट्यो, प्रतितोला कतिमा कारोबार हुँदैछ ?

नेपाली बजारमा आज साताको पहिलो दिन सुनको मूल्यमा सामान्य गिरावट आएको छ ।

नेपाल सुनचाँदी व्यवसायी महासंघका अनुसार आज सुनको भाउमा २०० रुपैयाँको गिरावट आएको हो । आज प्रतितोला सुन १ लाख ९९ हजार २ सय रुपैयाँ कायम भएको छ। शुक्रबार सोही परिमाणको सुन १ लाख ९९ हजार ४ सय रुपैँया पुग्दै अहिलेसम्मकै उच्च मूल्य कायम भएको थियो ।

त्यसैगरी, आज चाँदीको भाउ भने १५ रुपैयाँले वृद्धि भएको महासंघले जनाएको छ । आज प्रतितोला चाँदी दुई हजार तीन सय ३० रुपैयाँ कायम भएको छ । गत शुक्रबार चाँदीको मूल्य दुई हजार तीन सय १५ रूपैयाँमा कारोबार भएको थियो ।