कांग्रेसको महाधिवेशन २०८३ साल मङ्सिरको आसपासमा हुन्छः नेता सिटौला

नेपाली कांग्रेसका नेता कृष्ण सिटौलाले वर्तमान सरकारले सोचेजस्तो काम गर्न नसके पनि ८४ सम्म निरन्तर जाने बताएका छन् ।

आइतबार काठमाडौंमा पत्रकारसँगको छलफलमा नेता सिटौलाले वर्तमान सरकारको विकल्प नरहेकाले सोचेजस्तो काम गर्न नसके पनि ८४ सम्म निरन्तर जाने बताएका हुन् । उनले सरकार गठनका समयमा भएको सहमतिका आधारमा सरकारले आफ्नो कार्यकाल पुरा गर्ने धारणा राखे ।

सिटौलाले संविधान संशोधनका लागि सरकारले कार्यदल बनाउने विश्वास व्यक्त गर्नुभयो । त्यस्तै उनले कांग्रेसका महाधिवेशन २०८३ साल मङ्सिरको आसपासमा सम्पन्न गर्नुपर्ने जिकिर गरे । कांग्रेसको महाधिवेशन ४ बर्षमा कहिल्यै नभएको उल्लेख गर्दै सिटौलाले थप हुने एक बर्षभित्र महाधिवेशन गर्नै पर्ने बताए ।

उनले बागमती प्रदेशको सरकार फेरवदलको कुरा कांग्रेस बागमती प्रदेश संसदीय दलको बिषय भएको बताउनुभयो । बागमती प्रदेशमा कांग्रेस सांसदहरु मिल्ने उत्तम भए पनि मिल्न नसके प्रक्रियाबाट अघि बढ्ने उनको भनाइ छ । सिटौलाले बागमती प्रदेशमा अविश्वासको प्रस्तावले कांग्रेसलाई नै क्षति गर्ने समेत उल्लेख गरे ।