कमेडियन कपिल शर्माको क्याफेमा गोली प्रहार, आतंकवादी समुहको संलग्नता

टोरन्टो- भारतीय कमेडियन कपिल शर्माको बारेमा एउटा ठूलो खबर बाहिर आएको छ । 

कपिल शर्माको क्यानडा स्थित हालै खोलिएको क्याफेमा गोली प्रहार भएको छ । यो घटनाको भिडियो पनि सामाजिक सञ्जालमा शेयर भइरहेको छ । भिडियोमा एक व्यक्तिले राति क्याफेको झ्यालमा गोली हानेको देखिन्छ । उक्त व्यक्ति कारमा छन् र यो भिडियो पनि त्यहीँबाट बनाइएको हो ।

कपिलको यो क्याफे क्यानडाको सरे क्षेत्रमा छ । केही दिन अघि मात्रै यस क्याफेको ठूलो उत्साहका साथ उद्घाटन भएको थियो । र, त्यसपछि कपिलको क्याफेमा पनि मानिसको ठूलो भीड देखिएको थियो । गोलीबारीको भिडियो रातको हो, जहाँ एक कार सवार ब्यक्तिले क्याफेको झ्यालमा गोली हानेको देखिन्छ। उक्त भिडियो सामाजिक सञ्जालमा अहिले भाइरल भइरहेको छ ।

यदि रिपोर्टहरू विश्वास गर्ने हो भने खालिस्तानी आतंकवादी संगठन ‘बब्बर खालसा इन्टरनेशनल ग्यांग’ ले घटनाको जिम्मेवारी लिएको छ। बब्बर खालसा इन्टरनेशनल सङ्गठनसँग सम्बद्ध आतंकवादी हरजीत सिंह उर्फ ​​लड्डीको नाम यस केसमा मुछिएका  छन । लाडी एक कुख्यात आतंकवादी हुन् र जसको नाम विगतमा पनि धेरै घटनामा संलग्न रहेको छ। लड्डी एनआईएको मोस्ट वान्टेड आतंकवादीको सूचीमा परेको छ।

कपिलको क्याफे खुलेको तीन दिन मात्र भएको थियो, जब यो गोली हान्ने कार्य गरियो ।  कपिल र उनकी श्रीमती गिन्नीले क्याफेको सुन्दर तस्विर र भिडियोहरू सोशल मिडियामा सेयरसमेत गरेका थिए।  कपिल शर्मा भारतीय सिने र टेलिभिजन उद्योगमा ठूलो नाम हो, त्यसैले गोलीबारी जस्तो सनसनीपूर्ण घटनाले सबैलाई स्तब्ध बनाएको छ । जानकारीका अनुसार यो घटनालाई चेतावनीको रुपमा हेरिएको छ ।

हाल प्रहरीले यस विषयमा अनुसन्धान गरिरहेको छ । यस विषयमा छिट्टै सबै जानकारी आउने अपेक्षा गरिएको छ ।