गृहमन्त्री लेखकले भोटेकोशीले गरेको क्षतिबारे संसदमा गराए जानकारी

गृहमन्त्री रमेश लेखकले भोटेकोशीमा आएको भिषण बाढीका कारण रसुवागढीमा ठूलो मात्रामा धनजनको क्षति भएको बताएका छन् । बुधबार प्रतिनिधिसभा बैठकमा गृहमन्त्री लेखकले रसुवा विपद्का घटनामा हालसम्म नेपाल प्रहरीका २ जना, ११ जना सर्वसाधारण नेपाली एवं ६ जना चिनिया नागरिक गरी १९ जना बेपत्ता भएको जानकारी दिनुभयो । मन्त्री लेखकले बेपत्ताहरुको खोजीकार्यका लागि नेपाली सेनातर्फ ७५ जना, नेपाल प्रहरीतर्फ ३६८ जना र सशस्त्र प्रहरी बलतर्फ २३९ जना गरी ६८२ जना सुरक्षाकर्मी खटिएको बताए ।

हालसम्म धादिङ्गस्थित त्रिशुली नदीको किनारमा हालसम्म नाम, थर, वतन नखुलेको २ वटा पुरुषको शव फेला परेको उनले बताए । मन्त्री लेखकले हालसम्म हवाई उद्दारबाट ३० जना नागरिकको सफलतापूर्वक उद्दार गरिएको जानकारी दिनुभयो । नेपाल र चीन नाका जोड्ने मितेरी पुल बगाएको, सडक खण्डमा बाढीको कारण सडक चर्किन जाँदा धुन्चेदेखि टिमुरेसम्म जाने बाटो अवरुद्ध भएको उनले बताए । उनले सवारी साधनतर्फ सुख्खा बन्दरगाहमा भन्सार जाँचपासको लागि राखिएका २३ वटा मालबाहक कन्टेनर ट्रक, ३५ वटा विद्युत्तीय गाडी र ६ वटा सिनो ट्रकलाई बाढीले बगाएको उल्लेख गरे । उनले बिपद्का घटनामा परेका नागरिकका परिवारलाई उचित राहत प्रदान गर्ने प्रतिवद्धता जनाए ।

त्यस्तै गृहमन्त्री लेखकले भिजिट भिसाका बिषयमा रास्वपाले अलि बढि नै अनावश्यक बिषय उठान गरेको बताउनुभयो । उहाले केहि बर्ष अगाडी रवि लामिछाने भिजिट भिसामा अमेरिका गएको सुनेको भन्दै भिजिट भिसामा अमेरिका गएको हो कि होइन ? जानकारी गराउन आग्रह गर्नुभयो । भिजिट भिसामा अमेरिका गएर त्यहीको नागरिकता लिएको भए भिजिट भिसाको दुरुपयोग गर्ने पार्टीको नेताको कार्यकर्ताहरुले अर्कोलाई धेरै नैतिकताको कुरा पढाउनुहुन्छ कि हुँदैन ? भन्दै उहाले प्रश्न समेत गर्नुभयो । बाइट............

गृहमन्त्री लेखकले प्रधानमन्त्रीको औपचारिक स्पेन भ्रमणका बिषयमा रास्वपाका सांसदहरुले अनावश्यक चर्चा चलाएको जिकिर गर्नुभयो ।