आगलागीले २ करोड बढीको क्षति

नेपालगञ्‍ज : नेपालगञ्‍जका दुई स्थानमा आगलागी भएको केही दिन बित्‍न नपाउँदै नेपालगञ्‍जको धम्बोझीमा आगलागी भएको छ । धम्बोझीस्थित कमल इन्टरप्राइजेजमा मंगलबार साँझ आगलागी भएको हो ।

नेपालगञ्‍ज उद्योग वाणिज्य संघका प्रवक्ता टंक धामीको उक्त इन्टरप्राईजेजमा भएको आगलागीबाट २ करोड बढीको नोक्सान भएको बताइएको छ । उद्योगको मोटर बन्द नहुँदा साढे ७ बजे मोटर पड्केर आगलागी भएको बताइएको छ । प्रोपराइटर धामीका अनुसार उद्योगको मेसिन, कपडालगायतका सबै सामानहरु जलेर नष्ट भएका छन् । दमकल, प्रहरी र स्थानीयबासीको सहयोगमा आगलागी डेढ, दुई घण्टापछि नियन्त्रणमा आएको थियो ।