मौद्रिक नीतिको विषयमा आन्तरिक छलफल गर्दै राष्ट्र बैंक

काठमाडौँ : नेपाल राष्ट्र बैंकले आर्थिक वर्ष २०७८/०७९ को मौद्रिक नीति निर्माणको क्रममै रहेकाले उपयुक्त समयमा ल्याइने बताएको छ । आइतबार एक कुराकानीमा कुरा नेपाल राष्ट्र बैंकका कार्यकारी निर्देशक तथा प्रवक्ता देव मार ढकालले मौद्रिक नीति ल्याउने सन्दर्भमा सरोकारवालाहरूसँग छलफल भइरहेको भन्दै उपयुक्त समयमा ल्याइने बताएका हुन् । 

पूर्वगर्भनरसँग छलफल गर्न बाँकी नै रहेको उनले बताए । सुझाव संकलन गरिरहेको र आन्तरिक तयारी गरिरहेको उनले बताए । उनले भने, ‘आर्थिक वर्ष २०७८/७९ को मौद्रिक नीति निर्माणको क्रममा विभिन्न सरोकारवाला निकायसँग सुझाव संकलन गर्ने कार्य हामीले सम्पन्न गरिसकेका छौँ । एक दुईवटा सरोकारवाला खासगरी पूर्व गर्भनरज्यूहरूसँग सुझाव संकलन गर्ने काम बाँकी छ । सो सुझाव संकलनको आधारमा हामी मौद्रीक नीतिको निर्माणको आन्तरिक तयारी पनि सँगसँगै गरिरहेको अवस्था छ ।’

सरकारले आर्थिक वर्ष २०७८/०७९ बजेट अध्यादेशबाट ल्याएको र हाल सरकार समेत परिवर्तन भएको सन्दर्भमा मौद्रिक नीति कहिले आउँछ भन्‍ने चासोको विषय बनेको छ ।