याङ्गोले ल्यायो दैनिक चार हजारसम्म कमाउने अफर

काठमाडौँ- केही समयअघिदेखि नेपाली बजारमा प्रवेश गरेको राइड हेलिङ एप ‘याङ्गो’ले बोनस अफर सार्वजनिक गरेको छ । नेपालमा सञ्चालित दर्जनबढी राइड शेयरिङ एपमध्ये ठूलो हिस्सा दुई विदेशी कम्पनी पठाओ र इन्ड्राइभले ओगटेको समयमा अर्को विदेशी कम्पनीले याङ्गोमा जोडिएका चालकहरूले दैनिक कम्तीमा १६ ट्रिप गरेरमा चार हजार रुपैयाँसम्म कमाउने अफर ल्याएको हो।

उपाय, दोस्ती, ई ड्राइभ नेपाल, नेपाल फ्लिट, किम एडभेन्चरलगायत नेपाली कम्पनीसँग मिलेर याङ्गोले एक महिनाअघि काठमाडौंमा परीक्षण राइड सेवा सुरु गरेको थियो । दोस्ती राइडमा रहेर फूलटाइम बाइक चालक संजिप राईले याङ्गो एप मार्फत दैनिक २,५००-३,००० रुपैयाँ कमाउने बताएका छन्। “याङ्गो मेरो लागि अन्य कुनै पनि प्लेटफर्म भन्दा राम्रो भएको छ। मैले अन्य सबै राइड-सेयरिङ एपहरू प्रयोग गर्न छोडेको छु। यदि चीजहरू यस्तै रहिरहे भने, म लामो समयसम्म याङ्गोसँग रहनेछु। बढ्दो दैनिक बोनसले मलाई सबैभन्दा बढी आकर्षित गर्यो।”

अर्का चालक, किरण राईले पनि याङ्गोको बोनस प्रणालीबाट सन्तुष्ट छन् । उनी भन्छन् "प्रति दिन रु. २,५०० भन्दा बढी कमाइ हुने गरेको छ।” बाइक चालक तेज कुमार लामा याङ्गोमार्फत आय आर्जन गर्ने तरिका सिकाउँदै भन्छन् । “ आफू अनुकुल समय मिलाएर दैनिक १६ ट्रिप पूरा गरेपछि बाइक पार्किङमा राखे हुन्छ । यसबाट औसत रुपमा दैनिक तीन देखि चार हजार रुपैयाँसम्म कमाइ हुन्छ ।”

याङ्गोको परीक्षण सेवा सुरु भएतायता पार्ट-टाइम चालकको रूपमा काम गरिरहेका अनिल केसीले यसले उनलाई खाना र इन्धनको खर्च सहज रूपमा पूरा गर्न मद्दत गर्ने बताउँछन् “यात्रुहरूबाट मैले पाउने पैसाले मेरो खर्च आरामसँग पूरा गर्छ, म पार्ट-टाइम आधारमा गाडी चलाउँछु र दैनिक लगभग रु. १,५०० कमाउँछु। सामान्यतया म प्रति दिन ६-८ अर्डरहरू पूरा गर्छु।”

राइड-हेलिङ सेवामा यात्रु वा चालकको सुरक्षा नै पहिलो प्राथमिकता भएको कम्पनीले जनाएको छ । यसका लागि कम्पनीले २० भन्दा बढी सेफ्‌टी फिचरसमेत ल्याएको छ । याङ्गो समूह एक अन्तर्राष्ट्रिय प्रविधि कम्पनी हो, जसले विश्वव्यापी रूपमा प्राप्त प्रविधिहरूलाई स्थानीय समुदायहरू अनुरूप दैनिक सेवाहरूमा रूपान्तरण गर्दछ ।

याङ्गो समूहले अफ्रिका, ल्याटिन अमेरिका, युरोप, मध्यपूर्व, दक्षिण एशियासहित ३० बढी देशमा गतिशीलता, डेलिभरी, फूडटेक, मनोरञ्जनलगायत डिजिटल सेवाहरू प्रदान गरिरहेको छ । याङ्गो राइडले स्थानीय ट्याक्सी व्यवसायीका लागि पारदर्शिता, दक्षता र मूल्य बढाउन डिजिटल लेखा प्रणाली, फ्लिट व्यवस्थापनलगायत कार्यहरू गर्ने गर्दछ ।