वडा कार्यालयका लागि निःशुल्क जग्गा प्रदान
जेठ २९, २०८२ बिहिबार २०:२०
टक्सार (भोजपुर),- भोजपुर नगरपालिका–१ हेलौछाको वडा कार्यालय भवन निर्माणका लागि स्थानीयले तीन रोपनी जग्गा प्रदान गरेका छन् । बाबुआमाको नाममा स्थानीय वीरबहादुर तामाङले वडा कार्यालयका लागि जग्गा प्रदान गरेका छन् ।
वडा कार्यालयको काम अहिले भाडाको घरबाट सञ्चालनमा रहँदै आएको छ । वडा कार्यालयको काममा सहजता होस् भन्ने उद्देश्यका साथ तामाङले जग्गा उपलब्ध गराउनुभएको पूर्ववडाध्यक्ष विष्णुकुमार भुजेलले बताए । भुजेलका अनुसार वीरबहादुरले बाबु धनमान तामाङ र आमा राममाया तामाङको नाममा करिब रु १५ लाख बराबरको जग्गा वडा कार्यालयलाई प्रदान गरेका हुन् ।
जग्गा प्राप्तिसँगै भवन निर्माणको काम अघि बढाइने वडा कार्यालयले जनाएको छ । आफ्नै भवन नहुँदा वडा कार्यालय हाल भाडाको कोठाबाट सञ्चालित छ । जग्गा दाताले दिएको जग्गामा बजेटको व्यवस्थापन गरी भवन बनाउने तयारी वडाले गरेको छ ।
पत्नीको कुटाइबाट पतिको मृत्यु
माँ भाटभटेनी संस्थाद्वारा सीपमूलक तालिम समापन समारोह सम्पन्न
पसल फोड्दै शृंखलाबद्ध रूपमा मोबाइल चोरीमा संलग्न तीन पक्राउ
रूकुमपश्चिममा पानी बोकेको मिनीट्रक दुर्घटना हुँदा चालकको मृत्यु
राशिफलमा यस्तो छ आज तपाईंको भाग्य
आज अमूर्त सम्पदा संरक्षणका लागि ‘धर्मपथ महोत्सव’ गरिँदै
मोटरसाइकल चोरीमा संलग्न एकजना ट्राफिक प्रहरीको नियन्त्रणमा
प्रतिक्रिया