श्‍वेता भित्र्याउन यसरी जाँदैछन् आदित्यनारायण (फोटो फिचर)

गायक आदित्य नारायणले श्‍वेता अग्रवालसँग विवाह गरेका छन् । मंगलबार मुम्बईमा आयोजि त कार्यक्रममा उनले श्‍वेतासँग विवाह गरेका हुन् । वैवाहिक समारोहमा ५० जना मात्र अतिथि रहने उनका पिता उदित नारायणले भारतीय सञ्‍चारमाध्यमलाई जानकारी गराएका थिए । 

आदित्यको डेब्यु फिल्म ‘श्रापित’की कोस्टार श्वेतासँग आदित्य ११ वर्षदेखि रिलेसनसिपमा थिए । इन्डियन आइडलका प्रस्तोता आदित्यको नाम सोही कार्यक्रममा निर्णायक रहेकी नेहा कक्करसँग जोडिएको थियो । नेहाले अघिल्लो महिना मात्र रोहनप्रितसँग विवाह गरेकी थिइन् । त्यसलगत्तै आदित्यले श्वेतासँग विवाह गर्न लागेको खुलासा गरेका थिए ।

बलिउडका थुप्रै फिल्ममा पाश्र्व गायन गरेका आदित्यले केही नेपाली फिल्ममा पनि आवाज दिएका छन् । आदित्य गतसाल मात्र ठमेलमा रहेको क्लब फरेनहाइटमा कन्सर्टका लागि आएका थिए ।