वित्तिय अनुशासनले सकरात्मक परिणाम ल्याउँनेः डा. महत

नेपाली कांग्रेसका प्रवक्ता डा प्रकाशशरण महतले सरकारले ल्याएको बजेट समग्रमा ठिकै रहेको बताएका छन् ।

बिहीबार संसद भवन नयाँ बानेश्वरमा सञ्चारकर्मीसंग कुरा गर्दै महतले बजेट अझै ठोस रुपमा प्रस्तुत गर्न सकिने भएपनि समग्रमा बजेट ठिकै रहेको बताएका हुन् ।

उनले छरिएर रहेका आयोजनालाई घटाउने लगाएतका केही बित्तिय अनुशासनका बिषयले सकारात्मक परिणाम आउने धारणा राखे । उनले बजेटमा केही महत्वपूर्ण बिषयहरु समावेश हुन नसकेकाले कार्यविधिबाट सम्बोधन हुने विश्वास व्यक्त गरे ।