शरिरका १३ अङ्ग फालेर पनि बाँचिरहेकी छिन् बेलायती महिला

लन्डन- बेलायतको कुम्ब्रियाकी एक महिलासँग सम्बन्धित एउटा अनौठो घटना बाहिर आएको छ । 

महिलाको १३ वटा भित्री अंग निकालिएको छ । ती महिलालाई क्यान्सर नामक रोग थियो, ३९ वर्षीया रेबेका हिन्दलाई ‘स्यूडोमाइक्सोमा पेरिटोनी’ (पीएमपी) नामक रोग लागेको थियो, यो एक अवस्था हो जसले लगभग एक लाख मानिसहरूलाई असर गर्छ।

हिन्दले पहिलो पटक डिसेम्बर २०१८ मा अफिसमा क्रिसमस पार्टी पछि लक्षणहरू महसुस गर्न थालिन । सुरुमा उनलाई खानामा विषाक्त मिसिएको छ भन्ने लागेको थियो तर ८ हप्ताभन्दा बढी समयसम्म लक्षण रहिरहँदा उनी चिन्तित भइन् । जबसम्म उनलाई यो रोगको बारेमा थाहा भयो, धेरै ढिलो भइसकेको थियो र उनको शरीरका अधिकांश अंगहरु यो रोगबाट प्रभावित थिए । 

ती महिलाले एक अन्तर्वार्तामा भनिन्, ‘म रोगको बारेमा सुनेर निकै निराश भएँ, तर मैले अगाडि बढ्नु पर्ने थियो।’

पिपुलमा प्रकाशित एक रिपोर्टका अनुसार पीएमपी एक दुर्लभ ‘म्यूसिनस क्यान्सर’ हो, जसले म्यूकसमा पाइने म्युसिन नामको बाक्लो पदार्थलाई पाचन प्रकियामा फैलाउँछ। यसले अक्सर पेट सुन्निने, दुख्ने, वाकवाकी लाग्ने र भोकमा परिवर्तन ल्याउँछ। 

नोभेम्बर २०१९ मा, उनले अर्को ठूलो शल्यक्रिया गराइन्, जसमा उनको पित्तथैली, प्लीहा, ठूलो आन्द्रा, पाठेघर हटाइयो। यस्तो जीवन प्रक्रियाको बावजुद हिन्दको साहस अटल रह्यो। 

उनले एक अन्तर्वार्तामा भनिन्, ‘यो वर्ष म ४० वर्षको भएँ र सबै कुरामा हो भन्न चाहन्छु ।’

हिन्दले थप भनिन, ‘म सन्देश दिन चाहन्छु कि जब तपाईलाई स्टोमा वा टर्मिनल रोग हुन्छ, चीजहरू अविश्वसनीय रूपमा गाह्रो हुन्छन्। मेरो जीवन रोलर कोस्टर जस्तै छ। तर तपाईको सकारात्मक व्यवहारले तपाईलाई हराउन दिदैन।’

अप्रिल २०१९ मा, ३४ वर्षको उमेरमा, हिन्दले उनको पहिलो ठूलो शल्यक्रिया गरायो, जसमा उनको एपेन्डिक्स, नाभि, ग्रन्थी र १.६ ग्यालन भन्दा बढी म्युसिन हटाइयो। तर उपचार यहाँ समाप्त भएन।