रुसी आक्रमणमा १२ युक्रेनीको मृत्यु
किभ, युक्रेन- युक्रेनमा आइतबार राति भएको रुसी आक्रमणमा परी कम्तीमा १२ जनाको मृत्यु भएको अधिकारीहरुले बताएका छन् ।
युक्रेनको आपतकालीन सेवाले राजधानी किभसहित युक्रेनी विभिन्न भूभागमा रुसले लगातार दोस्रो रात ठूलो हवाई आक्रमण गरेको छ । युक्रेनले आक्रमणलाई ‘आतङ्कको रात’ भनेको छ ।
सन् २०२२ को फेब्रुअरीमा मस्कोले पूर्ण रूपमा आक्रमण सुरु गरेयता दुवै पक्षले सबैभन्दा ठूलो कैदी आदानप्रदान गरेको र संयुक्त राज्य अमेरिकाले तीन वर्ष पुरानो युद्ध रोक्न युद्धविरामको मध्यस्थता कोसिस गरिरहेको बेला यी आक्रमणहरू भएका हुन् ।
रुसको पछिल्लो आक्रमणमा आठ र १२ वर्षका दुई बालबालिका र उत्तरपश्चिमी क्षेत्र झितोमिरमा १७ वर्षीय एक किशोरको मृत्यु भएको अधिकारीहरूले बताएका छन् ।
युक्रेनका राष्ट्रपति भोलोदिमिर जेलेन्स्कीले सामाजिक सञ्जालमा भनेका छन्, “रुसी नेतृत्वमाथि कडा दबाब बिना यो क्रूरता रोक्न सकिँदैन ।”
“निश्चित रूपमा प्रतिबन्धले रूसी आक्रमण नियन्त्रण गर्न र रूसलाई युद्धविरामका लागि दबाब दिन मद्दत गर्नेछ,” उहाँले संयुक्त राज्य अमेरिका, युरोपेली देश र ‘शान्ति चाहने विश्वभरका सबैलाई’ मस्कोलाई युद्ध रोक्न ‘दृढता’ देखाउन आह्वान गरे।
युक्रेनको सेनाले आइतबार बिहान ४५ वटा रुसी क्षेप्यास्त्र र २६६ वटा आक्रमणमा प्रयोग गरिएका ड्रोन खसालेको जनाएको छ ।
यसैबीच, रुसले शनिबार राति र आएतबार बिहान गरी११० वटा युक्रेनी ड्रोन खसालेको जनाएको छ ।
युक्रेनको पश्चिमी खमेल्निट्स्की क्षेत्रमा चार जना, किभ क्षेत्रमा चार जना र दक्षिणमा माइकोलाइभमा एक जनाको मृत्यु भएको छ ।
आपतकालिन सेवाका अनुसार किभ क्षेत्रमा तीन बालबालिकासहित १६ जना घाइते भएका छन् ।
अवकाशप्राप्त ६५ वर्षीया महिला तेतियाना इयान्कोभस्काले किभको दक्षिणपश्चिममा रहेको मखालिभका गाउँमा एएफपीसँग भने, “हामीले सडकमा पूरै आगो लागेको देखेका थियौँ ।
आक्रमणबाट बच्न सफल अर्का अवकाशप्राप्त ६४ वर्षीय ओलेस्कान्दरले युद्धविरामका विषयमा हुने वार्तामा आफूलाई विश्वास नभएको बताए ।
उनले भने “हामीलाई वार्ताको आवश्यकता छैन, तर उनीहरूलाई (रुसीहरूलाई) रोक्न धेरै हतियारचाहिएको छ।रुसले बल मात्र बुझ्छ, अरु केही बुझ्दैन।”
युक्रेनी अधिकारीहरूका अनुसार रुसले शुक्रबार राति १४ वटा ब्यालेस्टिक क्षेप्यास्त्र र २५० वटा ड्रोन प्रहार गरेको र यसबाट १५ जना घाइते भएका थिए ।
जेलेन्स्कीले भने, “बढ्दो शत्रुताको बाबजुद, उहाँले मे १६ मा इस्तानबुलमा वार्ताको क्रममा सहमति भएको कँैदी आदानप्रदान जारी राखिने छ।”
किभ र मस्कोमा जारी गरिएको घोषणाअनुसार शनिबार ३०७ जना रुसी युद्धबन्दीको बदलामा सोही सङ्ख्यामा युक्रेनी सैनिकको आदानप्रदान भएको छ ।
दुवै पक्षले शुक्रबार पहिलो चरणमा ३९० जनालाई स्वागत गरेका थिए ।
उनीहरूले कुल एक हजार कैँदी रिहा गर्ने सहमति भएको र सहमति अनुसार उनीहरूको आदानप्रदान हुने बताए । (एएफपी)

जर्मनले पठायो लिथुआनियामा झण्डै पाँच हजार सैनिक

अमेजनका संस्थापक बेजोसको हुँदैछ भव्य विवाह, एक पाहुनाका लागि ७५ लाख खर्च

गाजामा भएको इजरायली आक्रमणमा २२ जनाको मृत्यु, दर्जनौँ घाइते

ट्रम्पद्वारा युरोपेली वस्तुहरूमा ५० प्रतिशत भन्सार कर लगाउने चेतावनीप्रति युरोप…
_0Q0VUv201A_kvt31x87ukqaspt0vuudke45gt9vmpatmrq9ftfj2i8m6kiog2bq3yjrovlf_AFNUDpsKj6_15if3eshn3xxhedwwlg1hta5ucdhylnbxyernldnltz7aqcrujv0uuzzmnww_vWlqEt9FLr_ec9pqixly1kgom3ep2pjtrnfptdza4bnvbibnyn3jpwdihb0cwcohw3fjvyo_oVadjVxSxW_vf8rjbeaetd8sfkc30glmuue715jlb0wa5jxaddnqtakvbflkkexvx4t9eyt.jpg)
चीनमा बाढीले मृत्यु हुनेको सङ्ख्या ६ पुग्यो

बिहारले बनायो २० वर्षमा वन क्षेत्र दोब्बर, विकास दर ११ प्रतिशत बढी

जुलाई १ देखि जर्मनी जान थप समस्या हुने

प्रतिक्रिया