विमानस्थल अध्यागमन कार्यालय प्रमुख भट्टराई अख्तियारको नियन्त्रणमा

काठमाडौँ- अख्तियार दुरुपयोग अनुसन्धान आयोगले त्रिभुवन विमानस्थल अध्यागमन प्रमुख तीर्थराज भट्टराईलाई नियन्त्रणमा लिएको छ । मंगलबारमात्रै गृह मन्त्रालय तानिएका भट्टराईलाई बुधबार सोधपुछका लागि अख्तियारले नियन्त्रणमा लिएको हो ।

बुधबार अख्तियारको टोलीले विमानस्थलस्थित अध्यागमन कार्यालयमासमेत छापा मारेको छ । विमानस्थल स्रोतका अनुसार, अख्तियारको टोलीले बिहानै अध्यागनमा कार्यालयमा छापा मारेको हो ।

अध्यागमनका कर्मचारी र मानव तस्करी गर्ने समूहको सेटिङमा भिजिट भिसाका नाममा तस्करी हुने गरेको सुराकीपछि अख्तियारले अनुसन्धान थालेको हो ।