पौडेललाई गभर्नर बनाउने सहमति

काठमाडौँ- प्रा.डा. विश्वनाथ पौडेललाई नेपाल राष्ट्र बैंकको गभर्नरमा नियुक्त गर्ने सहमति जुटेको छ । मंगलबार प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच पौडेललाई गभर्नर नियुक्त गर्नेगरी सहमति जुटेको हो ।

कांग्रेसको सिफारिसमा पौडेल गभर्नर नियुक्त हुन लागेका हुन् ।

पौडेल अर्थ मन्त्रालयको आर्थिक सल्लाहकार, योजना आयोगको उपाध्यक्ष र अन्तर्राष्ट्रिय श्रम संगठन (आइएलओ)को आर्थिक सल्लाहकार भइसकेका छन् ।

गभर्नर सिफारिस समितिको बैठक बसेर आज साँझ बस्ने मन्त्रिपरिषद्‌ बैठकले पौडेललाई गभर्नर नियुक्त गर्ने तयारी छ ।