संसद्‌ छलेर देउवासँग छलफलमा व्यस्त प्रधानमन्त्री ओली

फाइल तस्बिर

काठमाडौँ- संसद्‌ बैठक छलेर प्रधानमन्त्री केपी शर्मा ओली कांग्रेस सभापति शेरबहादुर देउवासँग छलफलमा व्यस्त छन् । मंगलबार बिहान ११ बजे बस्ने भनिएको संसद्‌ बैठकमा सांसदहरूले सोधेको प्रश्नको प्रधानमन्त्रीले जवाफ दिने कार्यसूची थियो । तर पूर्वनिर्धारित सांसदसँग प्रत्यक्ष प्रश्नोत्तर कार्यसूचीबाट हटाइएको छ ।

संसद्‌ सचिवालयले प्रधानमन्त्री ओलीको स्वास्थ्यको कारण पूर्वनिर्धारित सांसदसँग प्रत्यक्ष प्रश्नोत्तर कार्यसूचीबाट हटाएको जनाएको थियो । तर संसद्‌ बैठक चलिरहकै बेला प्रधानमन्त्री ओली र देउवाबीच प्रधानमन्त्री निवास बालुवाटारमा छलफल भएको छ । सोमबार पनि प्रधानमन्त्री ओली अस्वस्थ रहेकाले  मन्त्रिपरिषद् बैठक रोकिएको थियो ।

सरकारले लामो समयदेखि गभर्नर नियुक्त गर्न सकिरहेको छैन । कांग्रेसको भागमा परेको गभर्नर प्रधानमन्त्री ओलीले नियुक्त गर्न नचाहेको भन्दै कांग्रेस बैठकमा समेत चर्चा भएको थियो ।