स्वास्थ्यको कारण संसद्‌ बैठकमा गएनन् प्रधानमन्त्री ओली, सांसदसँग प्रत्यक्ष प्रश्नोत्तर कार्यसूचीबाट हटाइयो

फाइल तस्बिर

काठमाडौँ- प्रधानमन्त्री केपी शर्मा ओली स्वास्थ्यका कारण प्रतिनिधिसभा बैठकमा उपस्थित हुन नसकेपछि पूर्वनिर्धारित सांसदसँग प्रत्यक्ष प्रश्नोत्तर कार्यसूचीबाट हटाइएको छ ।

मंगलबार बिहान ११ बजेबाट सुरु भएको  प्रतिनिधिसभा बैठकमा पूर्वनिर्धारित सांसदसँग प्रत्यक्ष प्रश्नोत्तर कार्यसूचीबाट हटाइएको हो ।

सभामुखको सचिवालयका अनुसार प्रधानमन्त्री ओली अस्वस्थ भएर बैठकमा आउन नसकेका हुन् ।

त्यस्तै सोमबार पनि प्रधानमन्त्री ओली अस्वस्थ रहेकाले  मन्त्रिपरिषद् बैठक रोकिएको थियो ।