नयाँ पोप चयनका लागि कार्डिनल सम्मेलन, दुई बिरामी भए पछि १३३ प्रतिनिधि सहभागी

नयाँ पोपको निर्वाचनका लागि बुधबारदेखि सम्मेलन सुरु भएको छ । 

कार्डिनलहरूले राष्ट्रियता वा क्षेत्रका आधारमा मतदान गर्ने कुनै नियम छैन् तर भौगोलिक सर्तहरूमा उनीहरूको दृष्टिकोण बुझ्दा उनीहरूको प्राथमिकताहरू प्रकट भने हुनेछ । त्यसैले विश्वभरका १४० करोड क्याथोलिकको नयाँ पोपको निर्वाचन भौगोलिक विविधताका हिसाबले ऐतिहासिक हुनेछ।

नयाँ पोप चयन गर्न गोप्य सम्मेलनमा भाग लिने अपेक्षा गरिएका सबै १३३ कार्डिनलहरू रोम आइपुगेका छन्, भ्याटिकनले सोमबार भने, पोप फ्रान्सिसको उत्तराधिकारी बन्ने दौड व्यापक रूपमा खुलेको छ। सम्मेलन बुधवार दिउँसो सिस्टिन चैपलको बन्द काठको ढोका पछाडि सुरु भएको हाे । 

भ्याटिकनले सोमबार बिहान भएको बैठकमा १ सय ३२ मतदातासहित १८० कार्डिनलहरूले भाग लिएको बताएको छ। १३३ औं कार्डिनल पनि रोममा छन्, तर उनले साेमवारकाे छलफलमा भाग लिएनन्। दुई कार्डिनलहरू मध्ये एक स्पेनका र एक केन्याकाले भने स्वास्थ्यको कारणले सम्मेलनमा सामेल नभएकाे भ्याटिकनले जनाएकाे छ ।

हाल ७१ देशमा ८० वर्षभन्दा कम उमेरका १३५ कार्डिनलहरू रहेका छन् तर जसमध्ये दुईले स्वास्थ्यका कारण मतदान गर्न नपुग्ने भएको छन् । यसको मतलब अब १३३ कार्डिनल मतदान प्रकियामा सहभागी हुनेछन् । र, नयाँ पोप चयन हुनका लागि अर्थात बहुमतका लागि दुई तिहाइ अर्थात् ८९ मत चाहिने हुन्छ। 

त्यसो त इटालीमा सबैभन्दा बढी १७ कार्डिनल छन्, त्यसपछि अमेरिका (१०), ब्राजिल (७), फ्रान्स र स्पेन (५–५), अर्जेन्टिना, क्यानडा, भारत, पोल्याण्ड र पोर्चुगलबाट चार–चार जना कार्डिनलको प्रतिनिधित्व हुनेछ।

अब क्षेत्रगत आधारमा छुट्याएमा भ्याटिकनको तथ्यांक अनुसार युरोपबाट ५३ कार्डिनल छन् भने एक जना बिरामी भएकाले ५२ जनाले मतदानमा भाग लिनेछन् । यसपछि एसियाबाट २३ कार्डिनल, १८ अफ्रिकाका एक बिरामी भएपछि १७, दक्षिण अमेरिकाका १७, उत्तर अमेरिकाका १६, मध्य अमेरिकाका चार र ओशिनियाका चार कार्डिनलहरू नयाँ पोप चयनका लागि सहभागी हुनेछन ।

अब, उदाहरणका लागि, भ्याटिकन लिटर्जी अफिसको कार्डिनलको उलानबाटार, मंगोलियाको आर्कबिशप भन्दा फरक प्राथमिकताहरू हुनेछन्। युरोपमा सयौं विशपहरूका लागि जिम्मेवार कार्डिनलको युद्धग्रस्त सिरियाका लागि भ्याटिकनको राजदूत वा सरकारी आक्रमणमा परेको चर्च अफ मानागुवा, निकारागुआको आर्क बिशप भन्दा धेरै फरक प्राथमिकताहरू हुन सक्छन्। यी प्राथमिकताहरू नयाँ पोपको चयनमा देख्न सकिन्छ।

तर, विश्वको सबैभन्दा गोप्य मतदानमा कसले भोट गर्यो भन्ने कुरा कसैले थाहा पाउन सक्ने छैन् । सम्मेलन सुरू हुनु अघि कार्डिनलका सहायक कर्मचारीले पाउलिन चैपलमा गोपनीयताको शपथ लिइसकेका छन । यसमा डाक्टर, नर्स, कुक, ड्राइभर, लिफ्ट चालक, सफाई कर्मचारी र अन्य धेरै आवश्यक कामदारहरू पर्छन्। सपथ लिए पछि अब यी सबै कर्मचारीले सम्मेलनस्थल बाहिर जान पाउने छैनन्। 

यदी यो शपथ तोड्दा प्रत्यक्ष रूपमा चर्चबाट व्यक्तिलाई निष्कासन गरिने छ।  यसैबीच, बुधबारदेखि कार्डिनलले सिस्टिन च्यापलमा सपथ लिएर सम्मेलन सुरु गरेका छन ।

 

गत २६ अप्रिलमा पाेप फ्रान्सिकाेकाे अन्त्येष्टी गरिए पछि रिक्त रहेकाे उक्त स्थानमा नयाँ पाेप चयन गर्न लागिएकाे हाे । उनी १ सय पछि युराेप बाहिरवाट पाेप बन्ने धार्मिक गुरू थिए । जसले समलिङ्गी बिबाहलाइ मान्यता दिए, चर्चमा हुने बाल याैन दुर्ब्याहारलाइ घृणित भने र पीडितसँग पनि माफी मागेर चर्चा कमाएका थिए ।