मुग्लिनमा मापसे गरेका चालकले बस एकआपसमा ठोक्काए, प्रहरीले लियो नियन्त्रणमा

काठमाडौँ- मुग्लिन-नारायणगढ सडकमा बस एकआपसमा ठोक्किएको छ ।

मंगलबार साँझ बा ५ प २९९९ नम्बरको बस र बागमती प्रदेश ०३-००१ ख ३४५४ नम्बरको बस एकआपसमा ठोक्किएको हो ।

बा ५ प २९९९ नम्बरको बसका चालकले मादक पदार्थ सेवन गरेर बस चलाएको आरोप लागेको छ । उक्त बसका चालकलाई नियन्त्रणमा लिएको प्रहरीले जनाएको छ । प्रहरीका अनुसार उक्त बसमा यात्रु भने थिएनन् तर बागमती प्रदेश ०३-००१ ख ३४५४ नम्बरको बसमा भने यात्रु रहेका थिए ।

कुनै मानविय क्षति नभए पनि बसमा भने क्षति भएको मुग्लिन प्रहरीले जनाएको छ । प्रहरीका अनुसार चालकको नाम भने खुलेको छैन् । 

नारायणघाटबाट आफैले बस चलाएर आएको दाबी गरेका छन् । चालकले बिहान पनि दमौलीबाट आफैले बस चलाएर आएको बताएका छन् । चालकले मादक पदार्थ सेवन गरेका कारण बस कहाँबाट आएको भन्ने यकिन भन्न नसकिने प्रहरीले जनाएको छ ।