नेपाललाई स्टारलिंकसँग जोड्न सांसद बजगाईंको माग

नेपाली काँग्रेसका सांसद राजेन्द्र बजगाईंले नेपाललाई स्टारलिंकसँग जोड्न माग गर्नुभएको छ । प्रतिनिधि सभाको सोमवारको बैठकमा डिजिटलमा फड्को मारेको स्टारलिंक, स्पेस एक्सका प्रतिनिधिसँग आफूले प्रधानमन्त्रीसँग कुराकानी गर्ने वातावरण बनाइसकेको बताउँदै उनीहरु नेपाल आउन चाहिरहेको र स्टारलिंकलाई नेपाल भित्राउन जरुरी रहेको बताउनुभएको हो । 

सांसद बजगाईंले भन्नुभयो–‘डिजिटलमा फड्को मारेको स्टारलिंकका लागि मैले धेरै ओकालत गरे । स्टारलिंकका प्रतिनिधि, अध्यक्षसँग कुराकानी गरेर २०२४ अक्टोबर १८ मा इलन मस्क र प्रधानमन्त्री केपी शर्मा ओलीसँग संवादको वातावरण बनाएँ ।  स्टारलिंकका बारेमा इलन मस्कसँग कुराकानी गरिसकेपछि हामीले उनीहरुको इच्छालाई अगिंकार गर्न सकेनौं ।'

बजगाईंले इलन मस्कसँग भएको संवाललाई किनारामा पठाउन नहुने बताउनु भयो । उनीहरुको इच्छा नेपालमा आउने भएकाले त्यसलाई सम्बोधन गर्न जरुरी रहेको उहाँको भनाई रहेको छ । —न्युज एजेन्सी नेपाल