अत्यन्त जरुरी सार्वजनिक महत्वको प्रस्तावमा मन्त्रीले समय नदिएको भन्दै माओवादीको आपत्ति

काठमाडौँ- अत्यन्त जरुरी सार्वजनिक महत्वको प्रस्तावमाथि छलफल अघि बढाउन माग गरेका छन् ।

मंगलबार प्रतिनिधिसभा बैठक सुरु हुने बितिकै पाण्डेले विपक्षी दलले दर्ता गराएको प्रस्ताव कार्यसूचीमा नराखिएकोप्रति आपत्ति जनाउँदै जरुरी सार्वजनिक महत्वको प्रस्ताव संसदमा छलफल गर्न माग गरे । 

उनले सरकारको तर्फबाट मन्त्रीले समय दिन नसक्ने भएपछि जरुरी सार्वजनिक महत्वको प्रस्ताव अघि नबढाएको जवाफ आएकाले सरकार संसदप्रति गैरजिम्मेवार देखिएको बताए । उनले संसदको चालू अधिवेशनमा शिक्षकहरूको समस्या समाधानका लागि सांसदहरूले आवाज उठाइरहेको भएपनि सरकारले सदनमा त्यसबारे कुनै जानकारी पनि नगराएको उल्लेख गरे ।

बैठकमा एमालेका मुख्य सचेतक महेश बर्तौलाले भने सरकार सदनप्रति जिम्मेवार रहेको र शिक्षकहरूसंगको माग सम्बोधनका लागि निरन्तर छलफलमा रहेको उल्लेख गरे । शिक्षकहरूको बिषय निकै संवेदनशील रहेको भन्दै उनले छिट्टै समस्या समाधान हुने विश्वास व्यक्त गरे । 

बर्तौलाले शिक्षकहरूसँग सरकारले गरेको सहमति कार्यान्वयन नहुँदा समस्या देखिएको भन्दै शिक्षकहरूको जायज माग पुरा गरेर विद्यालय फर्काउन सुझाव दिए ।

बर्तौलाले शिक्षामन्त्री निरन्तर छलफलमा रहेकाले यस बिषयमा सरकार अनुदार बनेको जस्तो नदेखिएको जिकिर गरे ।