एनएसएल फाइनल खेल आज

काठमाडौँ- नेपाल सुपर लिग (एनएसएल) को तेस्रो संस्करणको फाइनल खेल हुँदैछ ।

त्रिपुरेश्वरस्थित दशरथ रंगशालामा साविक विजेता ललितपुर सिटी एफसी र पोखरा थन्डर्सबीच शनिवार साँझ ६ बजे फाइनल खेल हुँदैछ । ललितपुर दोस्रो पटक र पोखरा पहिलो पटक फाइनल भिड्‌न आइपुगेका हुन् ।

आयोजक नेपाल स्पोर्ट्स एण्ड इन्भेट मेनेजमेन्टले फाइनलको अघिल्लो दिन पत्रकार सम्मेलनमार्फत विजेताले पुरस्कार राशी घोषणा गरेको हो। जसअनुसार प्रथम टोलीले ८० लाख र दोस्रो हुने टोलीले ३० लाख रुपैयाँ प्राप्त गर्ने भएका छन् ।