७ मिनेट बसेर राष्ट्रिय सभाको बैठक स्थगित

फाइल तस्बिर

काठमाडौँ- राष्ट्रिय सभाको बैठक स्थगित भएको छ । शुक्रबार ७ मिनेट बसेर राष्ट्रिय सभाको बैठक स्थगित भएको हो ।

राष्ट्रिय सभाका अध्यक्ष नारायण दाहालले अधिवेशन आह्वानसम्बन्धी राष्ट्रपतिबाट प्राप्त पत्रको व्‍यहोरा पढेर सुनाएका थिए । दाहालले पञ्चायत र प्रतिनिधि सभाका पूर्व सदस्य, पूर्व मन्त्री र हालको प्रतिनिधि सभा सदस्य दिपक बोहराको निधनमा शोक प्रस्ताव प्रस्तुत गरे ।

बोहराको निधनमा शोक प्रकट गरेपछि राष्ट्रिय सभाको बैठक स्थगित भएको हो ।

राष्ट्रिय सभाको अर्को बैठक वैशाख १४ गते दिउँसो सवा १ बजे बस्नेछ ।