जब मध्यरातसम्म नवाजको र्‍यापमा झुम्यो एलओडी...

काठमाडौँ- चर्चित र्यापर नवाज अन्सारीको एलओडीबाट टुर सुरू भएको छ । शनिबार काठमाडौंको ठमेल स्थित एलओडीमा प्रस्तुति दिएसँगै र्यापर अन्सारीको साम्राज्य टुर सुरू भएको हो । भर्खरै विश्वको उत्कृष्ट डिजेको ४४ औं स्थानमा पर्न सफल एलओडीमा नवाज अन्सारीले आफ्नो धमाकेदार प्रस्तुति दिएका हुन् ।

युवा पुस्तामा चर्चित र्यापर अन्सारीले देशका विभिन्न सहरहरूमा साम्राज्य टुर गर्ने घोषणा गरिसकेका छन्। जसको सुरूवात एलओडीबाट भएको छ । अन्सारीको साम्राज्य टुर पोखरा, बुटबल लगायतका सहरहरूमा हुने जनाइएको छ । अन्सारीको यो पहिलो नेपाल टुर हो । उनी करिब ८ वर्षपछि नेपाल आएका हुन् । अमेरिकामै बसेर नेपाली हिपहपलाई प्रतिनिधित्व गर्दै आएका अन्सारी र्याप क्षेत्रमा निकै चर्चित छन् ।

एलओडीमा जेन्जीदेखि अल्फा पुस्तासम्म अन्सारीको र्यापमा झुमेका थिए । अन्सारीको प्रस्तुतिमा चर्चित भ्लगर सिसन बानियाँले झन दर्शकहरूलाई उत्साहित बनाएको थियो । यसका साथै अन्य र्यापर प्रोफेर ट्रिक्स, यबी लगायतले एलओडीको माहोल झन उत्साहित बनाएको थियो । करिब ९ बजेदेखि सूरू भएको अन्सारीको प्रस्तुति करिब साढे १२ बजेसम्म चल्यो ।  

युकेस्थित डिजे म्यागले छनौट गर्ने सय उत्कृष्ट क्लब क्याम्पियनमा एलओडी ४४ औं स्थानमा परेको छ । त्यसअघि क्लब ४९,५० र ५२ औं स्थानमा परिसकेको छ ।  म्यागमा विश्वभरका सय उत्कृष्ट डिजे क्लबको सहभागीता रहने गर्छ। डिजे म्यागले हरेक वर्ष विभिन्न मुलुकमा रहेका उत्कृष्ट क्लबहरूको छनौट गर्ने गर्छ।