फुटबलर रोबर्टो कार्लोस एलओडीमा आउँदै

काठमाडौँ- एलओडी क्लबमा चर्चित ब्राजिलियन फुटबल स्टार खेलाडी रोबर्टो कार्लोस आउने भएका छन् । मंगलबार बैशाख ९ गते सो क्लबमा फुटबलर कार्लोस आउने क्लबका निर्देशक भुपेन कुँवरले जानकारी दिए ।

दशरथ रंगशालामा भइरहेको नेपाल सुपर लिगको लागि आउने उनी मंगलबार भने क्लबमा सहभागी हुने निर्देशक कुँवरले जानकारी दिए । 

शुक्रबार आउने पुर्व जानकारी थियो तर उनको स्वास्थ्य अनुकुल रहेकाले तीन दिन ढिला गरि मंगलबार आउन लागेको उनले बताए । उनको नेपाल भ्रमणले सम्पुर्ण फुटबल प्रेमी दर्शकहरुमा हर्षोल्लास छाउने छ । 

कार्लोसको एलओडीमा विशेष उपस्थिति हुने जानकारी नेपाल सुपर लिगका आयोजकले जानकारी दिएको छ । रोबर्टो कार्लोसलाई हेर्न चाहने दर्शकले मंगलबार एलओडी आउनसमेत क्लबले सबैमा अपील गरेको छ ।