शुद्धोधन गाउँपालिकाका अध्यक्ष चौधरी लक्षित गोली प्रहार

सांकेतिक तस्बिर

कपिलवस्तु- शुद्धोधन गाउँपालिकाका अध्यक्ष कमलेशशरण चौधरी लक्षित गोली प्रहार भएको छ।

बिहीबार राति ११:३० बजेको समयमा मायादेवी गाउँपालिका-१ पकडीस्थित निवासमा चौधरी लक्षित गोली प्रहार भएको हो ।

राति बिजुली गएका बेला शौचालय गएर फर्कने क्रममा उनीमाथि गोली प्रहार भएको प्रारम्भिक अनुसन्धानमा देखिएको जिल्ला प्रहरी कार्यालय सूचना अधिकारी तथा डीएसपी मोहनमणि अधिकारीले बताए।

घर कम्पाउण्ड बाहिरबाट आफूलाई पेस्तोलबाट गोली प्रहार गरेर भागेको अध्यक्ष चौधरीले प्रहरीलाई जानकारी गराएका छन् । तर, कम्पाउन्ड बाहिरबाट हानेको गोलीबाट छलेकाले आफूलाई कुनै चोटपटक नलागेको उनले बताएका छन् ।

साथै घटनास्थलबाट एक थान गोलीको खोका बरामद भएको छ । घटनाबारे थप अनुसन्धान भइरहेको डीएसपी अधिकारीले जानकारी दिएका छन ।