अब राजामौलीको फिल्म दुई भागमा होइन एक भागमा रिलिज हुने

हैदारावाद- तेलुगु फिल्मका दिग्गज निर्देशक एस.एस. राजामौली दक्षिणमा मात्र नभई सम्पूर्ण भारतमा आफ्नो महाकाव्य नाटकका लागि प्रसिद्ध छन्। राजामौलीका फिल्महरू विगत १० वर्षमा युद्ध नाटक विधामा कोसेढुङ्गा साबित भएका छन्।

बाहुबलीः द बिगिनिङ (२०१५) देखि उनका सबै फिल्मको विश्वव्यापी सङ्कलन ५०० करोडभन्दा बढी रहेको छ । उनको अघिल्लो फिल्म आरआरआर (२०२२) करोडले लगभग १३८७ करोडको विश्वव्यापी कलेक्सन गरेको थियो।

अहिले राजामौली आफ्नो अर्को फिल्म ‘एसएसएमबी २९’ को तयारीमा व्यस्त छन् । यो कति भागमा रिलिज हुन्छ र अर्को फिल्ममा के रहन्छ, त्यो तपाइलाइ बताउने छौं ।

‘एसएसएमबी २९’  एक एक्सन फिल्म हो । पछिल्ला केही वर्षहरूमा जब हामी पिरियड फिल्महरूको बारेमा सोच्दछौं, एउटा नाम दिमागमा आउँछ त्यो हो राजामौली। आफ्नो रोचक स्क्रिप्ट र एक्शनले भरिपूर्ण संयोजन गर्ने राजामौलीले अन्तर्राष्ट्रिय स्तरमा ख्याति कमाए। उनी आफ्नो अर्को फिल्म ‘एसएसएमबी २९’ को रिलिजको दौडमा लागेका छन् । यो फिल्म पनि राजामौलीका अघिल्ला फिल्मजस्तै एक्शन एडभेन्चर फिल्म हुनेछ ।

यस फिल्ममा तेलुगु सुपरस्टार महेश बाबु, पृथ्वीराज र प्रियंका चोपडा सँगै देखिने पक्का भएको छ । यसअघि यो फिल्मलाई दुई भागमा रिलिज गर्ने चर्चा चलेको थियो, जसका कारण राजामौलीको दिमागमा फिल्मलाई लिएर धेरै कुरा चलिरहेको थियो । तर अब यो फिल्म एक भागमा रिलिज हुनेछ । यो पनि विश्वास छ कि आरआरआर जस्तै यो फिल्मको रनिङ टाइम ३ घण्टा ३० मिनेट वा बढी हुनेछ।