बालेनले काठमाडौँ आएका शिक्षकलाई भनेः सबै मिलेर चेतनशील समाजको निर्माण गरौँ

काठमाडौँ- काठमाडौँ महानगरपालिकाका मेयर बालेन्द्र शाहले सबै मिलेर चेतनशील समाजको निर्माण गर्न आग्रह गरेका छन् । उनले काठमाडौँमा आन्दोलन गर्न आएका शिक्षकलाई लक्षित गर्दै तपाईहरू शिक्षक भएकाले, तपाईहरूको झन् ठूलो जिम्मेवारी र भुमिका रहेको बताए ।

‘ आफ्नो कुरा राख्नलाई चेतनशील भएर विद्यार्थीहरूको पढाइ नबिगारी कार्यक्रम गरिदिनुहोला । गाउँ गाउँमा सिहदरबार भन्ने त नारा मात्र भयो,’ उनले भनेका छन्,’ आशा छ एकदिन आफ्नो अधिकारको लागि काठमाडौँ धाइरहनु नपरोस् ।‘

उनले शिक्षकलाई फोहोर नगरी केहि नभत्काइ दिएको धन्यवाद प्रकट गरे । 'हामीले जरिवाना खोजेको होइनौँ, चेतना खोजेको हो । सार्वजनिक सम्पति पनि आफ्नै सम्पति हो भनेर त्यसलाई जोगाउने चेतनशील समाजको निर्माण गर्न खोजेको हो । यहि शिक्षा तपाईले आफ्नो विद्यार्थीहरूलाई पनि दिनुहोला,’ उनले उल्लेख गरेका छन् ।