भाटभटेनी लुट्‌नेहरूलाई कुट्‌ने सुरक्षागार्ड ५ लाखसहित सम्मानित

काठमाडौँ-  भाटभटेनी सुपरमार्केटले सुरक्षा गार्डहरूलाई पुरस्कारसहित सम्मान गरेको छ । बुधबार कोटेश्वरस्थित भाटभेटनी सुपरमार्केटमा अध्यक्ष मीन बहादुर गुरुङले पुरस्कारसहित सम्मानित गरेका हुन् ।

सुरक्षा गार्ड कृष्णप्रसाद पराजुलीलाई भाटभटेनी सुपरमार्केटले ५ लाख १ हजार १११ रुपैयाँ पुरस्कार र पाँच ग्रेड बढुवासहित सम्मान गरेको छ । त्यस्तै सुरक्षागार्ड सूर्य गिरी, दीपेश खड्का, सोमबहादुर भुजेललाई २५ हजार १ रुपैयाँ र एक ग्रेड बढुवा गरिएको छ ।

ग्रोसरी सिनियर सुपरभाइजर सागर गुरुङलाई ५१ हजार एक सय ११ को चेक र दुई ग्रेड बढुवा प्राप्त गरेका छन् ।

चैत १५ गते राजावादी आन्दोलनमा भाटभटेनी लुट्‌नेहरूलाई सुरक्षागार्डहरूले कुटेर लखेटेका थिए ।