पत्रकार सुरेश रजक हत्या प्रकरणः 'भ्रम फैल्याउने समाचार संस्था वा व्यक्तिलाई कानुनी कारबाहीको दायरामा ल्याउँछौ'

काठमाडौँ- जिल्ला प्रहरी परिसर काठमाडौँले सामाजिक सञ्जालमा अफवाह, नकरात्मक सन्देश प्रवाह तथा भ्रामक शिर्षक राखी समाचार सम्प्रेषण गर्ने संस्था वा व्यक्तिलाई कानुनी कारबाहीको दायरामा ल्याउने भएको छ ।

तीनकुनेमा भएको पत्रकार सुरेश रजकको हत्यालाई लिएर ‘चैत १५ गते मारिएका पत्रकार सुरेश रजकको पोष्टमार्टम रिपोर्टमा उनको शरीरमा गोली भेटिएको छ।‘ लगायतका शिर्षक र वास्तविक नबुझी प्रसारण गर्नेलाई कारबाही गर्ने भएको हो ।

गत शुक्रबार राष्ट्र,राष्ट्रियता,धर्म,संस्कृति र नागरिक बचाउ महाअभियान नेपालद्वारा तीनकुनेमा पुर्व अनुमति लिएर शान्तिपुर्ण प्रदर्शन गर्ने भनेर अभियानका संयोजक नवराज सुवेदी र दुर्गा प्रसाईको अगुवाईमा प्रदर्शन भएको थियो ।

परिसरका अनुसार अभियानका समर्थकहरूले हिंसात्मक गतिविधि, तोडफोड, आगजनी र एक घरमा मानिस भएको अवस्थामा आगजनी हुँदा सोही व्यक्तिको मृत्यु भएको थियो । आपराधिक घट्ना घटाएको सम्बन्धमा गाम्भीर्यता नबुझी तथा सत्यतथ्य नबुझी सामाजिक सञ्जालमा गलत सूचना तथा भ्रम फैलाएकोमा जिल्ला प्रहरी परिसर काठमाडौँले आपत्ति जनाएको छ ।