माओवादीले देशलाई संविधान र कानुनविहिन बनाउन लागेको होः भट्टराई

काठमाडौँ- नेकपा एमालेका सांसद योगेश भट्टराईले माओवादीले मुलुकलाई संविधान र कानुनविहिनताको अवस्था सिर्जना गर्न लागेको आरोप लगाएका छन् । आइतबार प्रतिनिधि सभाको बैठक सुचारु भएपछि प्रतिपक्ष माओवादीले संसद अवरुद्ध गरेपछि उनले राष्ट्रिय सभाबाट प्रतिस्थापन विधेयक पारित हुनै पर्ने बाध्यात्मक अवस्था रहेकाले यसलाई रोकेर माओवादी पार्टीले संविधान र कानून बिहीनताको अवस्था सिर्जना गर्न खोजको ह?  भनेर प्रश्‍न गरेका छन् ।

उनले भने,’ माओवादी पार्टी यो संविधानको रक्षा गर्ने पक्षमा छ की छैन ‘ चैत्र १५ गते भएको हिंसात्मक घटनाका दोषीहरूलाई करवाहीको दायरामा ल्याऊन र लोकतान्त्रिक गणतन्त्रको पक्षमा संसद मार्फ़त राष्ट्रिय एकता र ऐक्यबद्धता प्रकट गर्नू पर्ने दायित्वप्रति माओवादी पार्टी किन अबरोधक बनेको हो? ‘

सांसद भट्टराईले संविधानको धारा १०५ ले कुनै पनि अदालतमा विचाराधीन विषयमा संसदमा छलफल गर्न मिलदैन भन्ने स्पष्ट पारेका छन् । उनले  संविधानको पक्षधर भनिएको माओवादी नेतृत्वले यो कुरा किन नबूझेको? भनी प्रश्न गरेका छन् ।

आजको दिनमा दक्षिणपंथी अतिवादी, ब्यवस्था र संविधान विरोधी, हिंसावादी, जातीय र साम्प्रदायिक एकता विरोधी र समग्रमा राष्ट्र र जनता विरोधी कुनै पनि हर्कतलाई परस्त गर्नु लोकतान्त्रिक गणतन्त्र पक्षधर शक्तिहरूको साझा कार्यभार रहेको स्मरण गराएका छन् ।