सुनको मूल्य हाल सम्मकै उच्च, तोलाको कतिमा हुँदैछ कारोबार ?

आइतवार सुनको मूल्य बढेको छ । नेपाल सुनचाँदी व्यवसायी महासंघका अनुसार  सुनको मूल्य प्रतितोलामा ६ सयले बढेको हो ।

शुक्रवार तोलामा १ लाख ७६ हजार २ सयमा कारोबार भएको सुनको मूल्य आइतवार ६ सयले बढेर प्रतितोला १ लाख ७६ हजार ८ सयमा कायम भएको हो ।

त्यस्तै, आइतवार चाँदीको मूल्य भने १५ रुपैयाँले घटेको छ । शुक्रवार तोलामा २ हजार ४० रुपैयाँमा कारोबार भएको चाँदीको मूल्य १५ रुपैयाँले घटेर आइतवार तोलामा २ हजार २५ रुपैयाँमा कारोबार भएको छ ।