सर्वोच्चमा कुलमान घिसिङको रिट दर्ता, शुक्रबार पेसी

काठमाडौँ- नेपाल विद्युत् प्राधिकरणबाट पदमुक्त भएका कार्यकारी निर्देशक कुलमान घिसिङले पेस गरेको रिट निवेदन सर्वोच्च अदालतमा दर्ता भएको छ । घिसिङले गैरकानुनी रुपमा पदमुक्त गरिएको भन्दै पेस गरेको रिट निवेदन बिहीबार सर्वोच्च अदालतमा दर्ता भएको हो ।

प्रधानमन्त्री तथा मन्त्रिपरिषद् कार्यालय, ऊर्जामन्त्री दिपक खड्का एवं मन्त्रालय, नेपाल विद्युत् प्राधिकरणको सञ्चालक समिति र नवनियुक्त कार्यकारी निर्देशक हितेन्द्रदेव शाक्यलाई विपक्षी बनाएका छन् ।

बिहीबार दर्ता भएको रिट निवेदनको पेसी शुक्रबारका लागि तोकिएको छ ।