अदालतको परमादेशले संविधान र लोकतन्त्रको रक्षा गरेको छ : नारायणकाजी

काठमडौँ : माओवादी  प्रवक्ता नारायण काजी श्रेष्ठले सर्वोच्च अदालतको परमादेशले संविधान र लोकतन्त्रको रक्षा गरेको बताएका छन् । आजको फैसलाले संविधान र लोकतन्त्रको रक्षाको पक्षमा महत्वपुर्ण योगदान पुर्‍याएको उनले बताए । 

उनले ट्विट गर्दै लेखेका छन, ‘सर्वोच्च अदालतको आजको फैसलाले संविधान र लोकतन्त्रको रक्षाको पक्षमा महत्वपुर्ण योगदान पुर्‍याएको छ । यसको हामी स्वागत गर्दछौं ।प्रतिगमनविरुद्ध संघर्ष गर्ने सबै राजनीतिक पार्टी ,नागरिक आन्दोलन र आमजनसमुदायलाई हार्दिक बधाई ज्ञापन गर्दछु ।’ 

उनले पहिलेदेखि नै अदालतले दायाँ बायाँ गर्ने स्थान नै नभएको बताएका थिए । जतिसुकै सरकारको प्रभाव राखे पनि त्यहाँ रहेका न्यायाधीशले अध्ययन गर्ने त संविधान र धारा नै हो । त्यो त सर्वसाधारणलाई पनि स्पष्ट थियो जुन न्यायमुर्तीलाई स्पष्ट नहुने कुरै थिएन । 

तर, वर्तमान प्रधानमनत्री केपी शर्मा ओलीको दम्भ, हुंकारले गर्दा कतै अन्य मोड लिने त होइन भन्ने थियो अब सबै टरेको उनले बताए । उनले प्रधानमन्त्री ओलीले देउवालाई बधाई दिँदै अदालतको फैसलालाई सम्मान गर्दै दलमिलाउन तिर लाग्न सुझाब पनि दिए ।