बहुल राष्ट्रिय चरित्रको देश बनाउन आन्दोलन र संघर्ष जरुरी - राजेन्द्र महतो

फाइल फाेटाे

काठमाडौं - राष्ट्रिय मुक्ति पार्टी नेपालका अध्यक्ष राजेन्द्र महतोले बहुल राष्ट्रिय चरित्रको देश बनाउन आन्दोलन र संघर्ष गर्ने बताएका छन् । 

हालै सम्पन्न पार्टीको केन्द्रीय कार्यसमिति बैठकका निर्णय सार्वजनिक गर्न बिहीबार काठमाडौंमा पत्रकार सम्मेलन गर्दै अध्यक्ष महतोले देशका शासकहरूमा एकल नश्लील चरित्र देखा परेको भन्दै बहुल राष्ट्रिय चरित्रको देश बनाउन आन्दोलन र संघर्ष गर्ने बताएका हुन् । 

आन्दोलनका लागि समान धारणा र बिचार मिल्ने पार्टी र संगठनहरूसंग बृहत मोर्चाबन्दी गर्ने निर्णय गरिएको उनले बताए । उनले कांग्रेस, एमाले र माओवादीका कारण देश असफलतर्फ उत्मुख रहेकाले देशलाई वैकल्पिक शक्ति आवश्यक रहेको धारणा राखे । 

अध्यक्ष महतोले देशमा विभिन्न स्थानमा देखिएका समस्या समाधान गर्नुको साटो राज्यले अत्याधिक दमन गरेको र समुदायबीच नै विभाजन पैदा गर्न खोजेको तर्क गरे । पाथीभरा केबलकार निर्माणका क्रममा भएको विवादमा राज्यको दमन स्वीकार्य नभएको भन्दै महतोले सरकारको रवैयाविरुद्ध संघर्षमा आउन आव्हान गरे । 

बैठकले पार्टीका सबै केन्द्रीय सदस्यहरूलाई १५ दिनभित्र सम्पति विवरण भरि केन्द्रीय कार्यालयमा बुझाउन निर्देशन दिएको छ भने चैत्र १ गतेदेखि वैशाख १५ गतेसम्म संगठन विस्तार अभियान सञ्चालन गर्ने निर्णय भएको अध्यक्ष महतोले बताए ।