पिताको सम्झनामा सत्यराजले ल्याए पहिलो साहित्यिक कृति ‘१४ फागुन’

काठमाडौँ- संगीतकर्मी सत्यराज आचार्य ‘सराज’ले पहिलो साहित्यिक कृति सार्वजनिक गरेका छन् । दिवंगत भजनशिरोमणि भक्तराज आचार्यको पहिलो वार्षिकीको पूण्यतीथिको अवसर पारेर बुधबार जमलस्थित राष्ट्रिय नाचघरमा  साहित्यिक कृति ‘१४ फागुन’ सार्वजनिक गरेका हुन् । भक्तराजका जेठा छोरा हुन् सत्यराज ।

बुकहील पब्लिकेशनले प्रकाशन गरेको उक्त पुस्तकमा ८२ वटा हाइकू समावेश छन् । भक्तराजले संसार छाडेको दिन 'फागुन १४' गते शीर्षक राखेर पुस्तक सार्वजनिक गरेका हुन् । गायकबाट लेखक बनेका सत्यराज आचार्यले पुस्तकमा समावेश भएका १८ वटा हाइकु वाचन गरेर सुनाएका थिए ।

वरिष्ठ संगीतकार शम्भूजित बास्कोटा,कवि विप्लव प्रतिक, कानूनविद भीर्माजुन आचार्य र कवि रवि प्राञ्जलले पुस्तकबारे चर्चा गरेका थिए ।