चीनबाट आठ लाख डोज खोप काठमाडौँ आइपुग्यो

फाइल फोटो

काठमाडौँ : चीनबाट आठ लाख डोज कोभिड १९ खोप नेपाल आएको छ । नेपाल एयरलाइन्सको वाइडबडी जहाजले शुक्रबार बिहान भेरोसेलको आठ लाख डोज खोप ल्याएको हो ।

सरकारले चीनको सिनोफार्म कम्पनीसँग ४० लाख डाेज खोप खरिदको सम्झौता गरिसकेको छ । त्यसमध्ये खोपको पहिलो खेप शुक्रबार बिहान काठमाडौं आएको हो ।

बाँकी खोप ल्याउन वाइडबडी जहाज फेरि चीन जाने स्वास्थ्य मन्त्रालयले जनाएको छ ।