दार्चुलामा पहिरोमा पुरिएर ३ जनाको मृत्यु

धनगढी : दार्चुलामा पहिरोले पुरिएर तीन जनाको मृत्यु भएको छ । जिल्लाको नौगाढ गाउँपालिका-३ चौखुट्टेमा आएको पहिरोले घर पुरिँदा दुई जना र घट्ट जाने क्रममा आएको पहिरोमा परेर एक जना गरी तीन जनाको मृत्यु भएको जिल्ला प्रहरी कार्यालय दार्चुलाका प्रमुख प्रहरी नायब उपरीक्षक मनोहर भट्टले बताए ।

उनका अनुसार पहिरोले घर पुरिँदा ७२ वर्षीया गेउली ठगुन्ना र उनकी ३ महिनाकी नातिनी मन्जरी ठगुन्नाको मृत्यु भएको हो । यस्तै घट्ट जाने क्रममा आएको पहिरोमा परेर सोही ठाउँका २९ वर्षीय लक्ष्मण सितौलीको पनि मृत्यु भएको हो ।