नेपालको पुरूष टोली पनि खो खो विश्वकपको फाइनल प्रवेश

काठमाडौं -  नेपालको पुरूष टोली खो खो विश्वकपको फाइनल प्रवेश गरेको छ । भारतमा जारी खो खो विश्वकप नेपाली पुरुष टोलीले उत्कृष्ट प्रदर्शन गर्दै फाइनल प्रवेश गरेको हो । 

नेपालको पुरुष टोलीले शनिबार पहिलो सेमिफाइनलमा इरानलाई पराजित गर्दै ऐतिहासिक फाइनल यात्रा तय गरेको हो ।  नयाँ दिल्ली स्थित इन्दिरा गान्थी इन्डोर हलमा भएको खेलमा नेपालले इरानलाई ७२-२० अंकको अन्तरले हरायो ।

यसअघि महिला टोलीले फाइनलको यात्रा तय गरेको थियो । 

नेपालले अब दक्षिण अफ्रिका र भारतबीच हुने दोस्रो सेमिफाइनलको विजेतासँग उपाधिका लागि खेल्नेछ । यसअघि नै नेपालको महिला टोलीले युगाण्डालाई हराएर फाइनलमा स्थान बनाइसकेको छ ।

नेपालका खेलाडी कुनै पनि खेलको विश्वकपमा फाइनल पुगेको यो पहिलोपटक हो । त्यसमा पनि महिला र पुरुष दुवै टोली फाइनलमा पुग्दै इतिहास रचेको हो ।