रास्वपा केन्द्रीय समितिको बैठक सुरु

फाइल फाेटाे

काठमाडौँ - राष्ट्रिय स्वतन्त्र पार्टी (रास्वपा) केन्द्रीय समितिको बैठक शनिबारबाट काठमाडौँमा सुरू भएको छ । 

पार्टीको सङ्गठन संरचना, समीक्षा, रणनीति, सबलीकरण र जागरणलगायत विषयमा छलफल गर्न रास्वपाको केन्द्रीय समितिको बैठक बसेको हो । बैठक दुईदिनसम्म चल्ने पार्टीका कार्यवाहक महामन्त्री कविन्द्र बुर्लाकोटीले जानकारी दिए । 

केन्द्रीय समिति बैठकमा समसामयिक राजनीतिक छलफल, उपनिर्वाचन समीक्षा, संगठन समीक्षा र रणनीतिका विषयमा छलफल हुने उनले बताए । 
त्यस्तै संविधानको परिमार्जन, पार्टीको आगामी कार्यदिशा तय गर्दै बैठक आइतबार समापन हुने बुर्लाकोटीले जानकारी दिए । 

त्यस्तै रास्वपाले केन्द्रीय समितिमार्फत केन्द्रीय समिति, सल्लाहकार परिषद् र केन्द्रीय बिभागको पुनर्सरचना गर्ने तयारी गरेको भने पार्टीको बैठक संचालन कार्यविधि समेत संशोधन गर्ने बताइएको छ ।