चितवनबाट गोरखाको बारपाकसम्म मोटरसाइकल र्‍याली आयोजना हुने

फाइल फाेटाे

काठमाडौं - हेल्दी राईडबारे जन चेतना जगाउने उद्देश्यका साथ चितवनबाट गोरखाको बारपाकसम्म मोटरसाइकल  र्‍याली आयोजना हुने भएको छ । 

रोयल राईनो राईडर्स मोटरसाइकल क्लब चितवनको आयोजनामा अंग्रेजी नया वर्षको अवसर पारेर उक्त मोटरसाइकल  र्‍यालीको आयोजना गरिएको आइतबार चितवनमा आयोजित पत्रकार सम्मेलनमा जानकारी दिएको हो ।

उक्त मोटरसाइकल र्‍याली हेल्दी राईट र पर्यटन प्रवर्द्धन गर्ने सोचले आयोजना गरिएको रोयल राईनो राईडर्स मोटरसाइकल क्लब चितवनका उपाध्यक्ष मन्दीपमान श्रेष्ठले बताए । प्रत्येक अंग्रेजी वर्षमा नेपालको पहाडी क्षेत्रमा मोटरसाइकल  र्‍याली जानेको गरेको उनले बताए । उक्त मोटरसाइकल  र्‍यालीको आयोजनाबाट बचेको रकम सामाजिक कार्यमा खर्च गरिने श्रेष्ठले बताए । 

मोटरसाइकल  र्‍याली डिसेम्बर ३० तारिखमा चितवनको पर्यटकीय क्षेत्र मेघौलीको सारङ वाईल्ड लाईफ सेन्चसरी र डिसेम्बर ३१ मा मेघौलीबाट गोरखाको बारपाक जाने कार्यक्रम रहेको छ । उक्त मोटरसाइकल  र्‍यालीमा नेपाल भुटान र भारतका १ सय ५० मोटरसाइकल राईडर्सहरु सहभागी रहने बताइएको छ ।