अमेरिका छिर्ने नाका नजिक मेक्सिकोको गोप्य चिहानमा भेटिए ११ शव

मेक्सिको सिटी- मेक्सिकोका अधिकारीहरूले उत्तरी सीमा राज्य चिहुआहुआमा गोप्य चिहानहरूमा १२ वटा शव फेला पारेका छन्।

अधिकारीहरूले संयुक्त राज्य अमेरिकाको सिमाना नजिक सिउडाड जुआरेजबाट करिब १८० किलोमिटर पश्चिममा एसेन्सनको १२ चिहानमा कंकालको अवशेष फेला पारेका हुन ।

अन्वेषकहरूले डिसेम्बर १८ मा उजाड साइट अन्वेषण गरेका थिए, त्यसपछि उनीहरूले खोजी क्षेत्र विस्तार गरेका थिए । तिनीहरूले अन्ततः ११ अलग अलग खाडलहरू फेला पारे, जसमा एक दर्जन शवहरू पुरिएको थियो ।

ती शवका अवशेषहरू सम्भावित पहिचानको लागि र सम्भव भएमा मृत्युको कारणबारे जान्नका लागि राज्य फरेन्सिक प्रयोगशालामा लगिएको छ, चिहुआहुआ वर्षौंदेखि लागुऔषध तस्करी र आप्रवासीहरूको अमेरिकामा तस्करीको मार्गको रूपमा संगठित अपराधसँग जोडिएको हिंसाबाट प्रभावित क्षेत्रको रूपमा कुख्यात रहेको छ ।

आधिकारिक तथ्याङ्क अनुसार सो राज्यबाट सन् १९५२ देखि अहिलेसम्म ३ हजार ९२७ व्यक्ति बेपत्ता भएका छन् । मेक्सिको भरीको तथ्यांक अनुसार वर्षौंको हिंसा र अस्थिरताको बीचमा लगभग १ लाख २० हजार मानिस सम्पर्कहिन अवस्थामा छन् ।

ती हराएका अधिकांश व्यक्तिका आफन्तहरू प्रायः आफ्ना प्रियजनहरूलाई खोज्न छोडि सकेका छन । तर, तिनीहरूलाइ प्रायः स्वयम्सेवक खोज समूहहरू लागि परिरहेका हुन्छन, जुन गोप्य चिहानहरू खोज्दै मरुभूमिसम्म पुगेका हुन्छन् ।