संसद्‌का दुई समितिको बैठक बस्दै

फाइल फोटो

काठमाडौँ- संघीय संसद्‌का दुई वटा समितिको बैठक बस्दैछ ।

संघीय संसद्‌ भवन सिंहदरवार परिसरमा उक्त बैठक बस्ने संसद्‌ सचिवालयले जनाएको छ । 

जसअनुसार राज्य व्यवस्था तथा सुशासन समितिको बैठकमा पुरानै एजेन्डा ​सङ्‍घीय निजामती सेवाको गठन, सञ्‍चालन र सेवाका सर्त सम्बन्धमा व्यवस्था गर्न बनेको विधेयक उपर संशोधन प्रस्तावकर्ता सांसदहरूसँग छलफल हुनेछ । जुन बैठक दिउँसो १२:१५ बजेबाट सुरू हुनेछ । 

उता, पूर्वाधार विकास समितिको बैठकमा पनि पुरानै एजेन्डाले निरन्तरता पाउनेछ । जसअनुसार विद्युत्‌ विधेयक, २०८० माथि संशोधनकर्ता सांसदसँगको छलफल बिहान ११:०० बजेबाट सुरू हुनेछ ।