जथाभावी भित्तेचित्र कोर्न पाइँदैन : मेयर शाक्य

काठमाडौँ : काठमाडौँ महानगरपालिकाका मेयर विद्यासुन्दर शाक्यले सर्वोचको आदेश र महानगरको कानुन–नीति उल्लङ्घन गरी जथाभावी भित्तेचित्र कोर्न नपाइने बताएका छन् । नगरसभाको नवौँ अधिवेशनको पाँचौँ बैठकमा म‌गलबार सम्‍बोधन गर्दै मेयर शाक्यले निधेष गरिएका अन्य ठाउँमा पनि अनुमति नलिई बनाएका त्यस्ता सामग्री हटाएको बताउँदै बढी प्रचार गर्न आवश्यक नभएको बताए । त्यस्तै उनले आगामी निर्वाचनमा पनि भित्तामा कोरेर प्रचार प्रसार गर्न नदिइने घोषणा गरे । 'संघ र प्रदेशको निर्वाचनमा समेत सहरका कुनै पनि भित्तामा पर्चा, पम्पलेट, भित्तेलेखन गर्न दिइएन,' उनले भने, 'आगामी निवर्नचनमा पनि दिइने छैन ।

०७२ भदौ १६ गते सर्वोच्चका तत्कालीन प्रधानन्यायाधीश कल्याण श्रेष्ठ र न्यायाधीश ओमप्रकाश मिश्रको संयुक्त इजलासले महानगर क्षेत्रका होडिङ बोर्डहरू, भित्ते लेखन, पोष्टर, पम्पेटलगायतका सामग्री हटाउन आदेश दिएको थियो । कोभिड फ्रन्टलाइनर’को सम्मानमा बनाइएका भित्तेचित्र महानगरले मेटाएपछी त्‍यसकफ व्‍यापक आलोचना भएको थियो ।