एनपीएलको फाइनल हेर्न प्रचण्ड कीर्तिपुरमा

काठमाडौँ- नेपाल प्रिमियर लिग (एनपीएल)को फाइनल खेल हेर्न पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डसहितका नेताहरू कीर्तिपुर पुगेका छन् ।

शनिबार कीर्तिपुरस्थित त्रिवि मैदानमा सुदूरपश्चिम रोयल्स र जनकपुर बोल्ट्सबीच खेल भइरहेको छ ।

त्यसैगरी गृहमन्त्री रमेश लेखक पनि खेल हेर्न त्रिवि मैदानमा पुगेका छन् ।

'प्ले अफ'मा जानुअघि १२ अंकका साथ शीर्ष स्थानमा सुदूरपश्चिम थियो भने जनकपुर १० अंकसहित दोस्रो स्थानमा रहेको थियो ।

आज हुने फाइनलका बिजेताले १ करोड १० लाख नगद पुरस्कार प्राप्त गर्नेछन् भने उपबिजेता टोलीले ५१ लाख नगद पुरस्कार प्राप्त गर्नेछन् । साथै, तेस्रो स्थान र चौथौं स्थानमा रहेका टोलीले क्रमशः २५ लाख र १५ लाख प्राप्त गर्नेछन् ।