इन्फर्मेटिक्स कलेज पोखराको दीक्षान्त समारोह सम्पन्न

इन्फर्मेटिक्स कलेज पोखराको दीक्षान्त समारोह २०२४ सम्पन्न भएको छ । वार्षिक कार्यक्रम अनुसार दीक्षान्त समारोह आयोजना गरेको कलेजले जनाएको छ ।
कलेजले आज बिहीवारका दिन दीक्षान्त समारोह आयोजना गरेको थियो ।

समारोहमा विद्यार्थीका अभिभावकहरुको उल्लासमय उपस्थिति रहेको थियो । समारोहमा बिए (अनर्स) बिजनेस प्रशासनका विषयमा स्नातक तह गर्ने१३ जना र बिएससि (अर्नस) कम्प्युटिङ तह पुरा गर्ने११७ जना विद्यार्थी गरी जम्मा १३० जना विद्यार्थी दीक्षित भएका थिए । बेलायतको लन्डन मेट्रोपोलिटियन विश्वविद्यालयबाट सम्बन्धन प्राप्त सो कलेज इनोभेट नेपाल ग्रुपद्धारा सञ्चालित छ ।

वार्षिक दिक्षान्त समारोहले उत्कृष्ट विद्यार्थीहरूलाई प्रतिष्ठित इनोभेट नेपाल ग्रुप पोस्टग्राजुएट छात्रवृत्ति प्रदान गरेर सम्मान गर्ने परम्परालाई निरन्तरता दिएको छ । यी
विद्यार्थीहरूले आफ्नो उत्कृष्ट उपलब्धि र उज्ज्वल भविष्यको सम्भावनालाई मद्दत पु¥याउँदै इनोभेट नेपाल ग्रुपका कलेजहरूमा आफ्नो स्नातकोत्तर शिक्षा जारी राख्नेछन्।
यस वर्षको इनोभेट नेपाल ग्रुप पोस्टग्राजुएट छात्रवृत्ति श्री आयुष काजी श्रेष्ठलाई प्रदान गरिएको छ । उनले इस्लिङ्टन कलेजमा एमएससी आईटी र एप्लाइड सेक्युरिटी
अध्ययनलाई निरन्तरता दिने छन् । यो अवार्डसँगै इनोभेट नेपाल ग्रुप अन्तर्गतकै कुनै संस्थामा काम गर्ने अवसर पनि प्राप्त गर्नेछन्। समारोहमा आइएनजीका संस्थापक तथा अध्यक्ष श्री सुलभ बुढाथोकी लगायतका सम्मानित व्यक्तित्वहरुको उपस्थिति रहेको थियो। बुढाथोकीले स्नातकहरूलाई बधाई दिँदै भन्नुभयो
,“सफलताको यो समारोह हाम्रो सम्बन्धको संक्रमणको रूपमा चिन्ह लगाइएको छ । हामी एक शिक्षक र एक विद्यार्थी थियौँ । अब, हामी विभिन्न सम्बन्धहरूमा संक्रमण गर्दछौँ ।
हामी सहकर्मी हुनेछौँ , प्रभाव पार्न र फरक बनाउन व्यापार साझेदारको रूपमा सँगै काम गर्नेछौं, वा हुनसक्छ हामी पनि व्यापारिक प्रतिस्पर्धी हुनेछौँ । हामी एक परिवार हौँ । ” इनफर्मेटिक्स कलेज पोखरा सूचना प्रविधि, व्यावसायिक प्रशासन र सम्बन्धित क्षेत्रहरूमास्नातक कार्यक्रमहरू प्रदान गर्दै आएको छ । अन्तर्राष्ट्रिय साझेदारी, उच्चस्तरीय शैक्षिक कार्यक्रम र विद्यार्थीहरूलाई प्रतिस्पर्धात्मक संसारमा सफल बनाउने सीप र ज्ञान प्रदान
गर्न प्रतिबद्धता कलेजको विशेषता हो ।